Omurolerezi wa Bunyoro kitara Diocese Rt. Rev. Samwell Kahuma Abwoli arangiriire Okusaba kwa LITANI

Omumurangagwe asabire binu;

Abarukugonzebwa,

Nimbaramukya omw'Ibara lya Mukama waitu Yesu Kristo.

Ninganyira muno abanyakuferiirwe omu biro binu ebizibu kandi ninsaba Ruhanga abagumye kandi abahe okunihira omuliwe.

Abarwaire n'abakurwaza Mukama abatwekere okukonyera okuruga nambere ali kandi abakize.

Ninyekambisa abantu boona okutaho muno omutima okwerinda n'okwetangira okukwatwa COVID-19 (Corona), obu nituhondera kandi nituta omunkora SOPs nkoku twikaire nituhaburwa Government. Otalinda kukuhabura kujwara MASK, kunaaba omungaro buli kasumi, n'okwehara ebikaro ebirumu abantu baingi.

Mujumbire Okugemwa/ Okusindagwa habwa Corona, Omubazi obugurazooka.

AHAMU N'EBI, NINDANGIRRA OKUSABA LITANI omu Maka goona omu Burolerezi bwona n'ahandi, kutandika n'esaaha ibiri ez'ekiro (8:00pm) buli kiro. Turatandika Kyakasatu 16-06-2021, kumara Sabiiti emu (one week).

Wetegereze binu:

1. Buli 'family' habeho arukwebembera okusaba, abandi nibagarukamu. Nobworaaba oli wenka omunju, nabwo osabe nogarukamu byona.

2. Itwena omu Maka goona tutandikire hamu (saaha ibiri Ez'ekiro).

3. Okusaba kwa Litani kuli ha mpapura 27 kuhika 34 omu Kitabu ky'Okusaba.

4. Omukusaba, tucumitirize ha Rukarra: 2 Ekyebyomubusinge 7:14 (2Chronicles 7:14)

5. Mwerekesa ebindi byona muheyo akaire kanu nukwo Ekanisa yoona ekunge Ruhanga omw'iraka limu kandi omu kasumi kamu.

6. Ha buli Sunday, mwekambe okusaba omu Maka gaanyu mutakulindirra Abahereza kubasabisa.

Abahereza mube na Airtime ekumara kubasobozesa kuhikirra Abakristayo kubasabisa n'okubekambisa nk'okwetaaga okukuli nimukozesa esimu.

Mukama abahe Omugisa kandi abalinde ahamu n'okubekambisa omu Nsonga enu enkuru.

Ninyowe,

Rt. Rev. Samuel Kahuma

Omurolerezi

Bunyoro-Kitara Diocese.

14th June 2021